أربع نصايح للنقل بكفاءة : وفر وقت وفلوس

لما درسنا السوق في 2017 ، لقينا إن أصحاب سيارات النقل بيتحملوا خسائر رهيبة بسبب عدة عوامل منها عدم استغلال العربيات بشكل كفء وعدم تعيين سائقين محترفين . الحقيقة إن عامل واحد زي السائق ده ممكن يسبب لك خساير أكبر بكتير من أي عامل تاني لأنه مسئول عن العربية والحمولة وبيؤثر على فعالية خطط النقل الخاصة بشركتك . ولأننا عارفين مقدار الخسائر اللي ممكن تتحملها شركتك ، قررنا نقدم لك 5 نصائح هتوفر عليك فلوس ومجهود ووقت ممكن تستغله في زيادة أرباحك وتوسيع مجال شغلك

استغل العربية لأبعد الحدود

مهما كان عدد العربيات اللي عندك سواء لو كانوا عربيتين أو أسطول نقل كامل ، أكثر المشاكل الموجودة في السوق من ناحية استغلال السيارات هي إن العربية مبتكونش محملة في واحد من اتجاهات المشوار. بمعنى إن لو العربية رايحة تاخد بضاعة من الميناء توديها المخزن ، ف رحلة الذهاب العربية فاضية وبالشكل ده أنت بتتحمل تكلفة زيادة. لازم تحاول على قد ما تقدر تقلل رحلات العربية فاضية عشان تقدر تعوض تكلفة السواق والسولار واستهلاك العربية في الرحلات اللي مش هتبقى محملة فيها. ممكن برضه تعرض عربياتك للتأجير في الوقت اللي مفيهوش ضغط أو طلب زيادة في السوق

عيّن سواقين محترفين

عدم وجود سواق محترف يشتغل على عربيتك ده بيعرض بضاعتك وعربيتك وخطط النقل للخطر. السواق غير المحترف مش بيلتزم بخط السير المتفق عليه وبيعمل وقفات غير مقررة على الطريق ، بالإضافة إلى أنه ممكن يجهد الموتور لو ساق على سرعة أعلى من السرعة المقررة أو حمل العربية فوق قدرتها. كمان طريقة ربط البضاعة على العربية أوالتسليب زي ما السواقين بيسموها بتساعد على حماية العربية والبضاعة. السواق المحترف هيعرف يسلب البضاعة بشكل ميحملش على المساعدين وهيعرف إزاي يجهز العربية لو هيحمل بضاعة ممكن تؤذيها زي الكيماويات اللي تسبب التآكل والحديد

اعمل صيانة دورية لعربياتك

سواء السواق اللي انت مشغله على عربيتك محترف أو لا ، لازم تعمل صيانة دورية للعربية. مع السواقين غير المحترفين ميعاد الصيانة الدورية هيبقى أقصر مقارنة بمواعيد صيانة عربية السواق المحترف. التزم بمواعيد كشكول الصيانة المرفق مع كتالوج العربية ، واكشف على الحاجات المهمة زي الفرامل وزيت الموتور والكاوتشات ودورة التبريد

خطط لنقلاتك

اعمل خط سير لعربياتك والتزم بالطرق الممهدة فقط عشان متأثرش على العربية. لو العربية هتقف في كذا محطة ، ظبط خط السير بحيث يعدي عليهم كلهم في مشوار واحد ، وخلي بالك لأن السواق غير المحترف هيميل إنه يعمل وقفات خارج خط السير عشان يقعد على القهوة مثلا ، لذلك الأفضل إنك تلزمه بميعاد وصول

لو استفدت من المقال اعمل شير مع حد يهمه الموضوع ، وإسأل عن خدمات تراكسل للنقل باستراتيجية. سجل حساب شركات من هنا

www.traxl.com/business-ar

Amr Ayman