دليلك الكامل لمخالفات النقل في مصر 2019

أي حد بيستخدم خدمات النقل الخفيف والثفيل في مصر عارف إن في مناطق معينة ممكن تاخد فيها مخالفة ، بس مفيش لائحة أو قانون يحدد إيه المناطق دي وامتى مسموح دخولها ، عشان كده فريق عمل تراكسل نزل الشوارع وسأل السواقين ومديريات الأمن ، وده اللي احنا وصلنا له

2014

محافظ القاهرة أصدر قرار بمنع تجول سيارات النقل بأنواعها في شوارع القاهرة الكبرى خلال ساعات النهار وحتى منتصف الليل في محاولة لتحسين منظر المدينة ويستثنى من القرار ده سيارات نقل السلع الاستراتيجية والتموينية زي الوقود ، السكر ، الدقيق والزيت. القرار ده فضل فعال لحد ما محكمة النقض ألغته في 2015 ، ولكن لسه سيارات النقل بأنواعها بتاخد مخالفة “تشويه منظر مدينة” في مناطق معينة جوه القاهرة الكبرى

2018

مجلس الشعب وافق على مشروع قانون تنظيم المرور اللي بيمنع سيارات النقل الثفيل اللي حمولتها أكبر من 4 طن من التجول داخل القاهرة الكبرى وعلى الطريق الدائري من 6 صباحا وحتى 12 مساء ، وطبعا يستثنى من القرار سيارات نقل السلع الاستراتيجية والتموينية ، ولكن مسموح لسيارات النقل استخدام الدائري الإقليمي ، الطرق السريعة ، الطرق الزراعية والطرق الصحراوية

2019

محافظ الإسماعيلية قرر حظر سير سيارات النقل بأنواعها داخل مدينة الإسماعيلية لساعة واحدة الصبح من 7 صباحا حتى 8 صباحا ولساعتين من 3 مساء حتى 5 مساء لتنظيم حركة المرور ، وكذلك ممنوع سير سيارات النقل على طريق الإسماعيلية/السويس من 6 صباحا حتى 9 صباحا ومن 1 مساء حتى 4 مساء . الاستثناء الوحيد للحظر هو سيارات نقل السلع الاستراتيجية والتموينية

غرامة السير خلال الحظر لسيارات النقل الثقيل - حسب القانون المصري - تتراوح بين 1000 إلى 3000 جنيه ، أما غرامة النقل الخفيف إما أن تكون غرامة تشويه منظر مدينة ، غرامة عرقلة حركة المرور أو غرامة سير خلال الحظر جميعها في حدود 80 جنيه للبند الواحد

طب أعمل ايه عشان ماخدش مخالفة؟

سواء كان معاك سيارة نقل ثقيل أو خفيف ، يفضل تبعد عن شوارع المدن الكبرى وبالذات الأماكن دي في القاهرة من 6 الصبح لحد 12 بالليل : كوبري أكتوبر ، محور 26 يوليو ، كوبري 15 مايو ، الأوتوستراد ، صلاح سالم ، المعادي ، كورنيش النيل ، العتبة ، رمسيس ، التحرير ، الزمالك

لو اضطريت تدخل واحد من المناطق دي خلال فترة الحظر ، يفضل ما تركنش العربية في الشارع إلا لو هتنزل منها بضاعة ، والأحسن تركنها في واحد من جراجات النقل المخصصة

لو معاك عربية نقل حمولتها أكبر من 4 طن ، ابعد عن المدن الكبرى واستخدم الدائري الإقليمي بدل الدائري

Amr Ayman