مستقبل النقل في 2019: 4 حاجات لازم تعرفهم

لو سألت أي حد في الشارع هيقولك إن ده عصر الثورة التكنولوجية ، خصوصًا إن انترنت الأشياء (Internet of Things) بدأ يتطور بشكل كبير ، وكل الناس دلوقتي بيستخدموا ال smartphones.

طب وده هيأثر على مستقبل النقل إزاي؟

بعض الشركات الكبرى زي أوبر وأمازون بيمولوا مشاريع تكنولوجية ضخمة عشان يغيروا مستقبل النقل في العالم. ودول 3 حاجات هتكون متاحة قريب في السوق

الروبوتات تحل محل العمال في المستودعات

دلوقتي علي بابا (Alibaba) و أمازون (Amazon) بيتنافسوا على استبدال الموظفين في المستودعات بالروبوتات. وحاليًا مهمة الروبوتات الأساسية هي فرز الطلبات ، تغليفها ، وشحنها. ودي مهمة كان بيعملها العامل البشري في ساعة ، الروبوت بيعملها دلوقتي في 15 دقيقة بس.

السيارات ذاتية القيادة

حلم وجود سيارات تستغني عن السائق بقى حقيقة في الكام سنة اللي فاتوا ، ودلوقتي أوبر (Uber) وجوجل (Google) بيتنافسوا في المجال ده عشان يخلوا التكنولوجيا دي متاحة في سيارات النقل الثقيل. واللي بيحاولوا يحققوه السنة دي إنهم يخلوا سيارات النقل ذكية كفاية إنها تسوق نفسها بنفسها على الطريق السريع لفترة تسمح للسواق يستريح في الكابينة.

الطائرات بدون طيار Drones

الdrone بقت واقع ملموس في السنتين اللي فاتوا ، وكتير من الناس بيستخدموها كوسيلة لتعزيز الأمن وكمان في تقنيات التصوير. ولكن امازون قررت تضيفها لأسطول النقل الخاص بيها. وحاليًا مهمة ال drone

في أمازون أنها تشحن طلبات عملاء Amazon Prime خلال يومين عمل فقط من المستودع لعتبة باب العميل.

موانئ ذاتية التشغيل

دلوقتي الموانئ الكبيرة تتجه لإنها توفر الطاقة والمجهود المستهلك في نقل الحاويات من وإلى السفن. وبدأت الموانئ الكبيرة زي ميناء روتردام في هولندا إنها تستخدم التكنولوجيا في نقل الحاويات. ميناء روتردام حالياً بيحمل السفن بالحاويات ويفرغها ويوزعها وكمان بينقل الموظفين للميناء بمركبات ذاتية القيادة

———————————————————————————————————————————————————————————————————————————--

بعض من التكنولوجيا اللي اتكلمنا عنها قدامها كتير على ما تتطبق في مصر،ولكن في تراكسل احنا بنحاول نقدملك كل جديد في التكنولوجيا أول بأول. ممكن تحجز نقلة وتتابعها خطوة بخطوة من أبلكيشن تراكسل وكمان تقيم الشحنة والسواق.

نزل الأبلكيشن من هنا:

http://onelink.to/4jafru