انقل أي حاجة في مصر في 6 خطوات

سواء كنت صاحب شركة أو لا ، لازم تمر عليك اللحظة اللي هتحتاج فيها تنقل بضاعة أو شحنة من مكان. خلينا نقولك إزاي تنقل أي حاجة بالطريقة الكلاسيكية:

حدد أبعاد ووزن الحمولة التي هتنقلها

تحديد حجم الشحنة هيساعدك تعرف نوع السيارة النقل اللي هتنقلها وإذا كنت هتحتاج حد يساعدك في تحريك البضاعة من وإلى السيارة

دوًر على سائق موثوق وعربية مناسبة

انزل موقف سيارات النقل ودور على سائق محترف ترتاحله ويحافظ على البضاعة وفي نفس الوقت تكون عربيته مناسبة لنقل الشحنة وآمنة عليها

تفاوض على السعر

أصعب خطوة هي إنك توصل لسعر مناسب يرضيك ويرضي السواق بناء على المسافة ، حجم الشحنة ،وحالة السيارة. حاول تتكلم مع أكتر من سواق لحد ما توصل لسعر عادل ليك وللسواق

اوصف مكان الاستلام والتسليم للسائق

خلاص اخترت السواق والعربية واستقريت على سعر النقل ، دلوقتي لازم توصف مكان الاستلام والتسليم للسائق بدقة ، والأحسن إنك توصف له الطريق على التليفون لحد ما يوصل لموقع الاستلام

ابعت للسواق تليفون الشخص المسئول عن استلام الشحنة

مهم جدا إنك توصل السواق بالشخص المسئول عن استلام الشحنة ويكونوا متابعين مع بعض على طول الخط عشان تضمن ان البضاعة توصل في الوقت المناسب

اتطمن على البضاعة من الكسر أو السرقة

دورك منتهاش لحد دلوقتي! آخر خطوة تعتبر أهم خطوة فيهم، وهى إنك تتطمن على الشحنة من الكسر ، التلف أو السرقة

——————————————————————————————

ممكن تعمل كل ده في يومين أو تلاتة ، أو تعملها على طريقة تراكسل في 5 دقايق و 3 خطوات بس: نزل الأبلكيشن ، اختار المكان والعربية ، تابع النقلة من مكانك

نزل الأبلكيشن من هنا

http://onelink.to/4jafru