تاريخ النقل: رحلة البضائع من النقل بالجمال لعربيات الديزل
لو رجعنا بالزمن لورا ، هنلاقي ان تاريخ النقل متأصل في التاريخ. من أيام ما كانت البضئع تُنقل على الجمال ، لحد ما بقى النقل دلوقتي بعربيات النقل والسكة الحديد والطيارات. هناخدك النهاردة في جولة تاريخية عشان تتعرف أكتر على وسائل النقل من بداية الزمان حتى القرن الواحد والعشرين
سنة 4000 قبل الميلاد
أول من اخترع العجلة هم السومريين من بلاد الرافدين سنة 4000 قبل الميلاد ، وبعدها انتقل الاختراع ده لباقي لبلاد شرقا وغربا للحضارة الفرعونية والصينية وغيرها. بعد ما انتشرت العجلة بين الحضارات ، بدأت الطرق التجارية تظهر بين بلاد آسيا وأفريقيا وأوروبا. أشهر الطرق دي كان طريق البخور البري اللي كان مشهور بين البلاد بنقل العطور. وكان يمر بالصين والهند وحضرموت وسبأ مرورا بشمال الجزيرة العربية عند حضارة بلاد الرافدين وكان بيعدي بمصر وأثيوبيا كمان
طريق الحرير كان أشهر الطرق الصينية عالمياً لأنه كان بيعدي على ال 3 قارات في خط واحد براً وبحراً وكان بينقل عدد من البضائع أهمها طبعاً الحرير اللي كان غالي جداً ساعتها ويتم مقايضته بالأحجار الكريمة. ممكن ميكونش اسم طريق الحرير غريب عليك لأن الرئيس الصيني الحالي بيحاول يرجع علاقات التجارة بين الصين وكل الدول الواقعة على طريق الحرير
إيران كان عندها طريق تجاري من نوع خاص اسمه الطريق الملكي وكان بيمر من إيران حتى تركيا. التجار كانوا بياخدوا 90 يوم عشان يعبروه بالكامل ، بس السلطان الفارسي كان عنده خطط تانية ؛ كان عنده كتيبة من الجنود غير الاعتياديين اسمهم الأنجاريوم يُقال إنهم كانوا قادرين على عبور الطريق ده في 9 أيام بس
سنة 1825م
تم افتتاح أول سكة حديد في العالم سنة 1825 في انجلترا عن طريق صاحب مناجم فحم اسمه جورج ستيفنسون، وكانت السكة الحديد خاصة بنقل الفحم فقط وقتها من المناجم للمخازن فقط ، بعدها بفترة وجيزة قرر رجل أعمال انجليزي انه يعمل خط سكة حديد بين مدينة مانشتر وميناء ليفربول عشان ينقل القطن الخام ويصدر منتجاته القطنية عن طريق الميناء. وبكده زادت الانتاجية وظهرت الثورة الصناعية في بريطانيا. على سنة 1850 بقى قطار نقل البضائع حاجة معتادة في المجتمع الأوروبي وكان بيشتغل بالبخار أو الفحم ومكنش بينقل مواد صلبة بس ، بالعكس كان بيتركب له خزانات وثلاجات وكانت القاطرات دي يتم تأجيرها من الشركة المالكة للسكة الحديد للمصانع اللي محتاجاها
قبل الحرب العالمية الأولى
على سنة 1899 ، ظهرت أول عربية لنقل البضائع بشكل رسمي في أمريكا بمحرك احتراق داخلي قوته 5 حصان من شركة أوتوكار. بلغ عدد سيارات النقل في أمريكا 25 ألف سيارة سنة 1914. وتحول استخدام سيارات النقل من البضائع لنقل إمدادات الجيش في الحربين العالمييتين الأولى والثانية. وكان أشهر العلامات التجارية المصنعة لسيارات النقل هي فورد ورينو. كان سيارات النقل وقتها بتستخدم البنزين كوقود لحد ما جت شركة بنز - قبل اندماجها مع مرسيدس - وأنتجت السيارة النقل اللي بتمشي بالديزل سنة 1930 ، بس سيارات الديزل بدأت تنتشر في أوروبا لما بدأت أوتوكار تنتجها في منتصف الثلاثينات. ولسه سيارات النقل لحد دلوقتي بتستخدم السولار
القرن الواحد والعشرين
حالياً سيارات النقل انتشرت في كل بلاد العالم وبقى شكلها مألوف بكل أنواعها ومصنعيها أكثر من إن إحنا نعدهم. سيارات النقل الحالية في منها 6 أنواع: الخفيفة جدا وشبيهة بعربية الجولف ، الثمناية ، الربع نقل ، النصف نقل ، التريلا والسيارات الخاصة زي الخلاطات. وفي أنواع مختلفة من صناديق سيارات النقل منها الصندوق المفتوح ، الصندوق المغلق ، الكولمن ، الثلاجة والقلاب و الخلاط
تقدر عن طريق أبلكيشن تراكسل تحجز عربية نقل من اختيارك من أربع أنواع متاحة: دبابة ، دبابة بوكس ، جامبو ، جامبو بوكس. بس نزل الأبلكيشن وحدد المكان والميعاد ونوع العربية وسيب الباقي علينا
نزل الأبلكيشن من هنا
مواضيع تهمك
